Mga Repapips

Sa ating panahon ngayon marami na ang taong gumagamit ng iba't ibang uri ng teknolohiya, gadgets, mobile cellphones, telepono, komputer at iba pa. Ito rin ang naging daan saating panahon upang mapadali ang mga uri ng komunikasyon sa isa't isa. Sa pag-susulat ng isang aklat, mensahe, talata, liham,  at iba pang mga sulatin ay inaasa narin natin sa teknolohiya. Ngunit ito ba ay nakakabuti sa atin? Sa pamamaraan ng ating wika at komunikasyon. O ito'y nakakasama sa implementasyon ng wikang filipino. Nang dahil sa teknolohiya ang mga Pilipino ay nakabubuo ng mga salita na naidadagdag natin saating pang araw-araw na buhay. Ngunit ang karamihan dito ay mga salita na walang kabuluhan at paggamit ng mga maling gramatika at pagbabaybay. Paghahalo-halo ng salitang ingles saating wika na nagiging normal saating buhay.

May mga salitang naibaon na sa limot, may 'di na mauunawaan ng karamihan, may umuusbong, may bumabalik ngunit may iba nang pakahulugan.

Gaya ng mga gamit sa katawan, sumasabay din daw sa uso ang wikang Filipino. At kahit nagkakaroon ng mga pagbabago sa ating wika, patuloy nitong pinag-uugnay ang mga Pinoy kahit saan man at kahit ano man ang kanilang katayuan.

Ang hindi paggamit ng ilang salitang Pinoy ay inihalintulad ni National Artist for Literature Virgilio Almario sa pera na nawawala sa sirkulasyon.

"Hindi naman namamatay 'yon kaya lang hindi nagagamit, hindi in currency," paliwanag ni Almario na siyang pinuno ngayon ng Komisyon ng Wikang Filipino.

"Parang fashion lang 'yan, uso-uso. Kapag hindi nagbago ang lengguwahe at hindi sumunod sa uso, mamamatay (ito)," dagdag niya.

Sinabi pa ni Almario na buhay ang wika kapag nakasasabay ito at bumabagay sa tawag ng panahon.

Paliwanag naman ni Prof. April Perez, ng University of the Philippines-Filipino Department,  malaki rin ang nagagawa ng teknolohiya at modernisasyon sa paggamit ng ilang salita.

Aniya, higit na akma na gamitin ang mga salita na may kinalaman sa modernong panahon at mas nauunawaan ng mas malaking bahagi ng populasyon

Kabilang na marahil ng pagbabagong ito ang pag-usbong ng ilang salita na likha ng mga ilang mga pangkat ng ating lipunan, tulad ng "bekimon" ng mga gay at ang tinatawag na mga "jejemon."

Natural lang sa mga pangkat na ito na mag-imbento ng sarili nilang salita para hindi maunawaan ng iba

Jologs ka man, Bakla o Jejemon, Pilipino ka paring tunay kaya wag na wag mong kalimutan ang tamang paggamit at pagpapahalaga sa ating wika.

Reference:

https://kendellight.wordpress.com/author/keldyyyyy/

http://www.gmanetwork.com/news/story/204050/lifestyle/mga-chika-chismax-at-chukchak-ni-pete-lacaba

http://www.gmanetwork.com/news/story/376707/news/ulatfilipino/ang-pagsabay-sa-uso-ng-wikang-filipino#sthash.eH9c6lvh.dpuf

https://www.youtube.com/watch?v=P6pfl6hyw74